Co gallo da celebración do Día Mundial do Medio Ambiente, este sábado de xuño, o Concello de Noia vén de programar, para ese mesmo día, un obradoiro de decoración de macetas e de elaboración de casiñas para paxaros. A actividade desenvolverase en horario de 11.00 a 13.30 horas., no Claustro do Casa Consistorial.
Segundo fixeron saber dende o Concello, o taller está destinado a participantes de calquera idade. Para asistir só é preciso descargar a ficha de inscrición da páxina web do Concello, cubrila e enviala por Whatsapp ao número 677.555.748 ou por correo electrónico a info@orbitainfantil.com.
