“Miradas do imperio”. Xulio Xiz

08 Xuño 2022

Esta Semana, a cidade de Lugo experimenta esa especial transformación chamada Arde Lucus, na que se revive o noso pasado romano, como se as pegadas romanas que perduran debaixo de calquera dos nosos pavimentos, provocaran un síndrome contaxioso de romanidade e dos castrexos que se opuxeron aos romanos defendendo a súa terra.

    A cidade está invadida por construcións en madeira, que poden ser campamentos, talleres, asambleas, senado, maquinaria romana… e de cando en cando retumban tambores ensaiando porque todos queren desfilar harmonicamente, ao ritmo da música guerreira.

    E coincidindo coas festas do Arde Lucus, na sala de exposicións da Xunta en Lugo vense de abrir a mostra pictórica chamada MIRADAS DO IMPERIO na que o pintor, arqueólogo, especialista en arte, de Betanzos, Alfredo Erias retrata corenta emperadores e emperatrices de Roma, coas efixies que deles se conservan en diversos museos de toda Europa.

    Erias, que foi Director do Museo das Mariñas e do Anuario Brigantino, recentemente xubilado, investigou na historia dos emperadores e pintounos coa efixie coñecida, co talante do que a historia conta deles, constituíndo unha lección de arte que o autor completa con historia de cada retratado e retratada, onde aparece o mellor de casa e tanto se mataban entre irmáns para ser emperador, podía a garda pretoriana proclamar ao  máis xeneroso, e son excepción os que morreron na cama de morte natural.

    [FOTO2] Desfilan diante dos nosos ollos Nerón ou Caracalla, Septimio Severo ou Trajano, Adriano ou Cómodo…Tamén, claro, Claudio, o que coñecimos en “Yo, Claudio”, Messalina e Cleopatra, con cara de xitana, encargándose o autor de lembrar que “xitana” ven de “exiptana”, o que era Cleopatra.

    Abren e pechan a exposición as reproduccións de dúas estelas preromanas atopadas no concello de Lugo, en Crecente e Adai, que se gardan no Museo Provincial e representan familias nobles ou poderosas  plasmadas para a historia, e que Alfredo Erias quixo resaltar.

    Na inauguración estaba presente Felipe Arias Vilas, arqueólogo, amigo do pintor, que gobernou con singular acerto o Museo do Castro de Viladonga, e que no seu día foi o descubridor da Estela de Adai.

    Todo o mes de xuño podemos disfrutar da compaña das efixies dos gobernantes do imperio máis poderoso da terra, dos que somos herdeiros. Porque moito loubar agora aos castrexos que vivían aquí, fronte aos  romanos, que gañaron a sangue e lume, e cruzáronse cos castrexos que quedaron… Se me apuran, os retratos que se ven na exposición da Xunta de Galicia veñen ser, xeneralizando, os retratos dos nosos “primeiros pais”.

Outros artigos

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

+

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...

+

Rosmando”. Xulio Xiz

Sorprendeu Democracia Orensana neste 18F entrando no Parlamento de Galicia por unha porta pequena cun resultado grande. Sorprendeume ver por Televisión a Jácome - do que a pesar de dedicarse á televisión local polo que tiña que caerme simpático, pode máis en...

+

Publicidade

Revista en papel

Opinión

“Creer en los políticos”- José Manuel Pena

“Creer en los políticos”- José Manuel Pena

“Con lo que cuesta la compra de un tanque, para la guerra, podrían comer unas 30.000 personas”. “900 euros es lo que cuesta insertar a una persona para el mundo laboral”. “Hace mucho tiempo que ya es difícil creer en la mayoría de los políticos, no es de recibo que se...

“Non é amoral, é inmoral” – Manuel Domínguez

“Non é amoral, é inmoral” – Manuel Domínguez

"Antonio” non é amoral, é inmoral. Unha persoa amoral actúa sen coñecer a moral e por tanto non sabe se obra mal ou ben, mentres que un inmoral é aquel que contravén as normas da moral e sabe que o fai como o puidemos ver. Eu a un político non lle pido que sexa...