Un turismo comenzou a emitir fume cando circulaba na estrada de Espiñeira. O condutor detivo o coche fronte ao instituto da parroquia boirense e chamou aos bombeiros de Boiro, xa que o coche empezara a arder. A proximidade coa base dos bombeiros permitiu unha rápida intervención e en apenas 20 minutos, os bombeiros sufocaron as chamas do automóbil.
Por outra banda os bombeiros de Boiro interviñeron nun accidente en Rianxo. Un turismo saíuse da súa vía no quilometro 17 da AG-11. Ningún dos ocupantes do vehículo presentaron lesións tras o incidente. O coche foi retirado en guindastre e os ocupantes do vehículo prestaron declaración á Garda Civil de Tráfico.
