Ferida na Pobra unha conductora nun accidente na autovía

Dotación de bombeiros do Consorcio Provincial Contraincendios e Salvamento da Coruña con base en Ribeira e Boiro acuando en un accidente con feridos na AG-11 o seu paso polo Concello de Pobra. Foto A.D.C. Bombeiros de Boiro.

Unha condutora resultou ferida nun accidente ocorrido na autovía o seu paso polo concello de A Pobra.

O automóbil saíuse da vía e chocou contra a mediana no quilómetro 31 da arteria comarcal en dirección a Ribeira. Como consecuencia do impacto o automóbil desprazouse varios metros e quedou envorcado. A automobilista non tiña ningún óso roto e inicialmente manifestou aos equipos de emerxencias non sentir dor. Ao parecer, parte do seu corpo quedou sobre a calzada ao saír polo portelo e a parte inferior, dentro do coche.

Ata o lugar acudiron bombeiros de Ribeira e Boiro, así como Protección Civil da Pobra e Garda Civil.

O accidente tivo lugar pasadas as 11.30 horas e foi necesario cortar ao tráfico o carril dereito de circulación, que hora e media despois continuaba inoperativo á espera de que o guindastre retirase o vehículo. A condutora foi trasladada nunha ambulancia do 061 ao hospital para ser examinada.