Boiro ultima o cartel das festas do verán con tres escenarios musicais distintos

O Concello de Boiro está a traballar para ultimar os detalles da programación das festas do verán 2022 que se van desenvolver entre os día 1 e 6 de xullo e que este ano contan con programación para distintos públicos en tres escenarios distintos. Os detalles da programación, con datas e horarios, sairán publicados nos vindeiros días.
A programación prevista para este ano inclúe verbenas, espectáculos musicais, grupos tradicionais, xantar popular, alboradas, tributos, festa das peñas, programación infantil e djs. Entre os artistas máis destacados está o concerto de Café Quijano, un Tributo a Alejandro Sanz, tributo a Queen ou
actuación de Treixadura.
Haberá tamén grupos na praza da Terceira Idade, detrás do Centro Social, con actuacións como Amparanoia, Mounqup, Terbutalina ou Grande Amore. Na Praza de Galicia haberá verbena coas orquestras Panorama, París de Noia, Combo Dominicano ou Olympus e tamén djs.
Non faltará na programación os bailes tradicionais de grupos locais, as alboradas, a festa das peñas no parque da Cachada ou os fogos de artificio na praia de Barraña.