O Concello de Boiro colabora un ano mais coa Fundación Deportivo e a Escola de Fútbol Municipal de Boiro para levar a cabo unha nova edición do Depor Campus. A presentación da actividade tivo lugar esta mañá e nela participaron a concelleira de Deportes, Dores Torrado; o responsable do campus, Pablo Barros; e o directivo da EFM de Boiro, Julio García.
A actividade terá lugar entre os días 11 e 15 de xullo, en horario de 10.00 a 14.00 horas nas instalacións municipais de Vista Alegre. O campus está destinado a nenos e nenas de entre 6 e 14 anos “e que permite ás familias conciliar a vida laboral e familiar nun contexto de vacacións, ademais de que os
nenos e nenas practiquen deporte”, afirmou a concelleira Dores Torrado.
“Boiro tiene un nivel deportivo muy alto y para nosotros es un orgullo que un club como el Deportivo cuente con nosotros para llevar a cabo esta actividad cada año”, afirmaron dende a EFM. O campus está dirixido por adestradores e persoal técnico do club polo que é unha moi boa oportunidade para os rapaces e rapazas.
Ademais dos adestramentos vanse realizar outras actividades coas que se busca transmitir valores como so respecto, o xogo limpo, a amizade, a integración ou o esforzo. “Con este campus buscase non so levar o deportivismo por todo Galicia senon dar a oportunidade aos rapaces e rapazas de traballar en conxunto cos técnicos do club”, afirmou Pablo Barros.
As inscricións están xa abertas e poden realizarse ata o vindeiro 7 de xullo na web deporcampus.rcdeportivo.es.
