A Casa da Cultura do Son acolle este sábado o espectáculo teatral “De algo hai que morrer”

A Casa da Cultura de Porto do Son vai acoller o vindeiro 18 de xuño, ás 20.00 horas, a representación do espectáculo De algo hai que morrer, de Malasombra Producións. A cita cultural, abeirada á programación da área de Cultura da Deputación da Coruña, é unha conferencia fúnebre-cómico-teatral na que dous prestixiosos e peculiares científicos, o profesor Jeckyll e o profesor Hyde, divulgan as súas investigacións sobre un tema que afecta á totalidade da poboación do planeta, sen distinción de raza, sexo ou condición: a morte. Ao longo da súa conferencia, os dous profesores disertan, dramatizan e dan resposta a preguntas sobre diversos temas relacionados co devandito asunto principal.

Ficha técnica

Autor: Jose Prieto

Director: Marcos Orsi

Actores: Jouse García e Xoque Carbajal

Vestiario: La Canalla

Escenografía: Malasombra

Iluminación: Xoque Carbajal

Produción: Patricia Rodríguez

Deseño gráfico: Miguel Carbajal Touceda

Vídeo: Pepe Castro

Montaxe de son: Chema Gómez Otero