A Carreira 5K El Canario regresa ás rúas de Ribeira na súa segunda edición este domingo 26 de xuño.
A carreira dará comezo ás 9 da mañá na praza do Concello para descorrer polo paseo das Carolinas ata o Náutico e regresar polas Abesadas de novo ata a explanada consistorial completando unha distancia de cinco kilómetros. As categorías inferiores percorrerán distancias máis curtas a partir dos 150 metros dos máis pequenos.
O prezo por participar no caso dos adultos e zapatilla inclusiva son 7 euros e os rapaces 2 euros. Para os pitufos a competición é de balde.
Ademais dos trofeos nas diferentes modalidades (incluíndo premios en metálico para os tres primeiros masculinos e femininos da categoría absoluta) haberá agasallos para sortear. Ademais, todos os
participantes recibirán de agasallo unha camiseta distintiva á hora de recoller o dorsal.
