Xullo comezará ao grande en Outes coa primeira edición da Feira Náutica do Freixo

O Freixo (Serra de Outes) vai acoller este verán un importante evento relacionado co mar: a primeira Feira Náutica do Freixo, organizada dende o Concello. Serán dous días de actividades, entre o 1 de xullo e o 3 de xullo, a desenvolver no Centro Náutico da dita vila mariñeira. Incluirá unha feira sectorial; a convocatoria de bolsas de empregos; unha mostra de embarcacións tradicionais; travesías marítimas; roteiros divulgativos; demostracións, degustacións e obradoiros de gastronomía; música, e “infinidade de actividades a carón do mar”. Quen queira presentar propostas expositivas ou do programa de actividades pode facelo a través da conta de correo alcaldia@outes.gal.