O Concello de Ribeira recibiu esta mañá unha comunicación da Xefatura Territorial da Coruña da Consellería de Sanidade na que se dá traslado dos resultados das análises efectuadas por esta entidade en 17 zonas de baño situadas no litoral do noso termo municipal, dende Baieiros en Corrubedo ata A Corna en Palmeira, arroxando todas elas unha clasificación de ‘excelente’: a máxima posible.
En concreto, os puntos de mostraxe tiveron lugar na Ameixida, A Corna, A Muralla, Area Secada, Balieiros, Baluarte, Castiñeiras,Catía-Castro, Coroso, A Ladeira, Os Mosqueiros, O Porto, O Prado, O Touro, O Vilar (centro), O Vilar (esquerda) e Río Azor.
A comunicación da Consellería de Sanitada garda relación coa obriga que teñen as administracións públicas de informar e difundir durante período estival acerca das clasificacións sanitarias das distintas
augas de baño, e posibles prohibicións ou recomendacións de absterse, casos estos últimos que un ano máis non se dan no noso municipio.
