Ribeira recibiu este xoves 26 de maio un importante recoñecemento aos seus tesouros medio ambientais, paisaxísticos e de lecer. Estamos a falar da Bandeira Sendeiro Azul, que vai ondear no camiño litoral comprendido entre as praias de Río Azor e Coroso. Foi recollida pola primeira tenente de alcalde María Sampedro Fernández, nun acto institucional celebrado no Xardín Botánico de Madrid.
Trátase dun distintivo promovido pola Asociación de Educación Ambiental y del Consumidor (ADEAC) para “premiar a recuperación e posta en valor de sendeiros e itinerarios de todo o territorio estatal”. O itinerario ribeirense foi un dos 8 sendeiros azuis que se incorporan este ano á Rede, que suma así un total de 86, cunha lonxitude de 474 quilómetros distribuídos en 19 provincias.
A orixe
O Concello de Ribeira impulsou a creación dunha senda peonil que recuperaba a zona de servidume entre os dous areais e permitía aos usuarios desfrutar dun entorno privilexiado no que se erixen puntos como as illas de Rúa e dos Ratos na ría de Arousa e que posúe elementos de valor patrimonial como unha antiga fábrica de salgadura no remate de Coroso.
Galicia, na cabeza
Ao evento celebrado no Xardín Botánico de Madrid tamén acudiu, xunto con representantes doutros municipios galegos, a directora xeral de Patrimonio Natural da Xunta, Belén do Campo, quen subliñou que case a metade dos 474 quilómetros que ocupan os novos itinerarios azuis declarados no conxunto do territorio estatal, están en Galicia. Son os que citamos a continuación.
A Coruña
-A Laracha
Sendeiro de Saldoiro
1,5 km
-Arteixo
Senda azul
6,4 km
-Camariñas
Ruta litoral de Camariñas
26 km
-Carballo
Senda do Mar Razo-Baldaio
10 km
-Oleiros
Costa Libre
7,86 km
-Ribeira
Sendeiro litoral de Coroso-Río Azor
3,7 km
Lugo
-Burela
Ruta do litoral burelés
6,55 km
-Cervo
Sendeiro azul O Torno
2,36 km
-Foz
Paseo ruta das praias de Foz
14 km
-Ribadeo
Ruta do Faro da Illa Pancha ás Aceas
5,6 km
Pontevedra
-A Guarda
Senda litoral A Guarda
5,6 km
-A Illa de Arousa
Senda perimetral Bao-Xastelas
0,86 km
-Bueu
Sendeiro de Cabo Udra
4 km
-Cangas
Roteiro de Donón
11 km
-Marín
Ruta das praias
8 km
Ruta dos cinco miradoiros
10 km
Ruta montes e praias
25 km
-Poio
Sendeiro litoral de Poio
4,9 km
-Ponte Caldelas
Sendeiro azul do río Verdugo
8,1 km
-Sanxenxo
Ruta dos carballos de Aldariz
6,3 km
Sendeiro litoral Areas-Punta Festiñazo
1,48 km
Sendeiro litoral Canelas-Punta Cabicastro
3,35 km
Sendeiro litoral Montalvo-Major
6,45 km
Sendeiro litoral Paxariñas-Montalvo
1,33 km
Sendeiro litoral Sanxenxo-Portonovo
8,61 km
Sendeiro máxico da Lanzada
3,03 km
-Vigo
Senda entre faros, Illas Cíes-Vigo
12 km
Senda de ribeira e litoral: Camiño á beiramar
11,02 km
Senda litoral e do monte da Guía, Teis
5,77 km