O Concello de Porto do Son, en colaboración coa Escola Galega de Saúde para Cidadáns –dependente da Consellería de Sanidade- organiza un actividade formativa destinada a divulgar hábitos saudábeis en materia de nutrición e nenez. Trátase dun Curso de Alimentación Infantil. Será gratuíto e terá catro horas de duración. Os contidos, segundo apuntan as entidades organizadoras, terán especial interese para persoal sanitario e educativo, monitoras/es, nais, pais e cidadanía en xeral. Desenvolverase o vindeiro 27 de maio, en horario de 16.00 a 20.00 horas. Máis información (e inscricións) a través da conta de correo jose.pazo@portodoson.gal. As prazas serán limitadas. Os contidos serán impartidos por Ana Martínez Lorente, técnica de estilos de vida saudábeis e educación da Consellería de Sanidade.
A praia de Lombiña-Cabío recupera a bandeira azul (e mantena o Club Náutico de Portosín)
Galicia contará este ano cun total de 114 praias pertencentes a 35 municipios galardoadas coa bandeira azul, un distintivo de carácter internacional co que a Asociación de Educación Ambiental e do Consumidor recoñece cada ano a areais de todo o mundo seleccionados en...