O Concello de Noia, en colaboración con Protección Civil e Cruz Vermella de Noia, organiza o vindeiro 21 de maio unha peregrinación de Santa Rita. A saída está prevista para as 23.00 horas na praza do Concello. Dende O Consistorio indican que as persoas participantes estarán asistidas por ambulancia, que as acompañará durante todo o percorrido.
Despois da misa de 08:00h, haberá autobuses, para a volta, que sairán ás 09:00h. As persoas que queiran participar poderán recoller os tíckets para o autobús no primeiro andar do Consistorio, ata o xoves 19 ás 14:00h.
A andaina consiste nunha peregrinaxe nocturna a Santiago, coa meta na igrexa de San Agostiño, que acubilla a capela de Santa Rita. Novamente o obxectivo será reivindicar a tradición nocturna desta marcha ao tempo que se visualiza o carácter referencial de Noia como vila xacobea.
