Galicia terá este verán 112 bandeiras azuis (tres na nosa comarca)

Un total de 112 praias galegas pertencentes a 34 municipios terán este verán unha bandeira azul, distintivo co que cada ano a Asociación de Educación Ambiental e do Consumidor (ADEAC) recoñece a areais de todo o mundo en base a criterios de sustentabilidade e de servizos. Así o fixo saber este mércores 11 de maio a Consellería de Medio Ambiente, engadindo que “de todas as praias galardoadas nesta última edición, tres lucirán a bandeira por primeira vez: Porto Suevos, no concello de Arteixo; Banda do Río, en Bueu; e Santa Baia, en Vigo”. Ademais, a de Fontela Valea, en Barreiros, volve sumarse á listaxe de areais galegos con esta distinción, despois de que o ano pasado non a recibira.

No Barbanza, só terá unha bandeira será na ribeirense de Coroso, que volverá a contar co distintivo de calidade.  O Náutico Boiro-Mariña Cabo de Cruz e o de Portosín tamén contarán co distintivo de calidade

O presidente da Xunta, Alberto Núñez Feijóo, acompañado pola conselleira de Medio Ambiente, Territorio e Vivenda, Ángeles Vázquez, participa no acto de entrega das bandeiras azuis 2021 na praia de Rodas do Parque Nacional Marítimo Terrestre das Illas Atlánticas de Galicia, 18/06/21.

Galicia concentra unha de cada cinco das bandeiras concedidas en 2022 en todo o territorio estatal, con 112 areais recoñecidos que se estenden ao longo de 42,7 quilómetros.

Ademais, 11 portos deportivos galegos tamén lucirán unha bandeira azul este verán; 14 instalacións dedicadas á educación ambiental e á atención aos visitantes terán a consideración de centros azuis; e 29 rutas converteranse en sendeiros azuis.

Medio Ambiente engade que este balance, cun total de 166 distintivos concedidos a Galicia entre praias, instalacións portuarias, centros e sendeiros, supón un aumento de 11 respecto aos datos do ano pasado, cando a cifra de areais galegos con bandeira azul foi de 111 —1 menos que en 2022—. De igual xeito, a Comunidade tamén suma un novo centro azul, ao incorporarse por primeira vez o centro de visitantes do Faro de Cabo Vilán, en Camariñas, e engade 9 sendeiros azuis á vintena do pasado ano, mentres que o número de portos que lucirá este emblema se mantén sen cambios respecto a 2021.

En Barbanza, só a praia de Coroso (Ribeira), o Club Náutico Mariña – Cabo de Cruz (Boiro) e o Real Club Náutico de Portosín ostentarán dita distinción de Bandeira Azul.