E porque isto é así, os familiares deses mariñeiros reafírmanse na súa petición de que se autorice a inmersión na zona de afundimento do buque para poder determinar as causas verdadeiras que provocaron esas mortes.
O goberno municipal de Vigo concorda na apreciación de que, efectivamente, só investigando o pecio pode esclarecerse a causa do afundimento.
Abel Caballero, alcalde de Vigo -de onde eran viciños cinco dos mariñeiros finados- apoiaría unha moción que inste a baixar ao pecio e determinar deste xeito as causas reais da traxedia. Só así se podería entender o que aconteceu na mencida de aquel 15 de febrero de 2022, a 250 millas de Terranova.
O Grupo Nores, casa armadora do Villa de Pitanxo, semella non ter moito interese en que se investigue “in situ” o sucedido, é dicir, no pecio de buque de Marín. Pero sí tenta personarse no caso como afectada ou parte implicada, algo que rexeitan os familiares dos mariñeiros mortos, os únicos -xunto co tripulante sobrevivente, natural de Ghana- que se consideran con dereito a reclamar a investigación dos feitos. Están seguros de que só baixando ao lugar no que o Villa de Pitanxo permanece afundido poderán acadarse documentos gráficos que permitan determinar se non todas, ao menos sí moitas das causas polas que o barco con, presuntamente nove das vítimas a bordo, afundiu.
O do pesqueiro marinense non se considera un accidente calquera. De aquí a necesidade de profundar na investigación das causas máis aló do manifestado polo patrón do buque, Juan Padín, e o seu sobriño, Eduardo Rial, que nunca fixeron público o seu convencemento de que no pecio están moitas das explicación que se buscan para esclarecer o acontecido. Se non se levan a cabo agora as investigacións, aproveitando o bo tempo no mar, difícilmente poderá facerse máis adiante, cando os temporais fagan acto de presencia naquelas augas.
Entre as familias dos mariñeiros e os seus avogados existe a convicción de que só baixando ao pecio poderán aportarse datos máis concretos sobre o vivido aquel 15 de febreiro a 250 millas de Terranova. O demáis serán todas puras especulacións.
