Este xoves, nova mesa redonda do Espazo Familias en Boiro

Este xoves 12 de maio a Casa da Cultura de Boiro acolle unha mesa redonda arredor dos programas Espazo Familias e Cando as pantallas educan, baixo o epígrafe Abordando os retos. Será ás 18.00 horas e contará coa presenza de Alba Castelo, Tania Sáa e Sabela Rodríguez. O obxectivo recapitular os problemas expostos en xornadas anteriores e analizar as posíbeis formas de abordalas. En xeiras previas tocáronse cuestións como os trastornos de conduta ou as adicións provocadas por un uso non racional nin supervisado das novas tecnoloxías.

Máis información e inscricións en www.espazofamilias.org.

O Espazo Familias Boiro naceu no curso escolar 2018-2019 froito do realizado nos centros de ensino do concello co obxectivo de “dar resposta ás inquedanzas e dúbidas das familias do alumnado”, impulsando a reflexión e a formación sobre temáticas que profesorado e familias viñan considerando de interese e necesidade. A día de hoxe o programa atópase na súa terceira andaina, poñendo o foco en cuestións como os problemas que xeran as pantallas dos dispositivos, o uso indiscriminado dos mesmos, os contidos inapropiados para a idade que xeran comportamentos inaxeitados, as redes sociais, as adiccións tecnolóxicas, abusos sexuais, xeitos de abordar estes escenarios…