O Paseo Marítimo de Barraña de Boiro vai acoller o vindeiro 27 de maio, venres, unha ludoteca itinerante con varias actividades de lecer para rapazada e para as familias.
Será a partir das 18.00 horas, no devandito paseo a carón do edificio das Colonias. O programa, organizado polo Concello (en colaboración coa Xunta) ao abeiro da axenda do Maio Cultural, inclúe dúas partes: por unha banda a actividade Eira Xandobeleira, unha ludoteca para xogar en familia (entre as 18.00 e as 20.00 horas) e, pola outra, o contacontos O periplo atlántico de Polo Correo do vento (a partir das 20.00 horas). Este contacontos é unha versión “moi libre” de O negriño Panchito, de Castelao.
