Este sábado 7 de maio o Auditorio de Rianxo acolle un concerto de homenaxe ao poeta local Brea Segade. Contarase coa presenza de Manuel Tubío (composicións, guitarra e voz) e Carme Tubío (violonchelo). A cita vén da ma da Área de Cultura do Concello. Comezará ás 20.30 horas na Sala Arcos Moldes do Auditorio.
O concerto consistirá na estrea de 10 poemas musicados por Manuel Tubío e presentados nun pequeno formato de guitarra e voz con acompañamento de violonchelo para contribuír á recuperación e difusión da obra do poeta Xosé María Brea Segade (1904-1934). O núcleo do programa é unha escolma de 7 poemas do propio Brea, que están precedidos por outros 3 de escritores que tiveron algún tipo de vínculo co homenaxeado: Rafael Dieste, Faustino Rey Romero, e Xesús Santos. Ademais da interpretación musical, intervirán Xesús Santos e Xosé Ramón Brea con comentarios sobre a vida e obra do autor, e haberá unha proxección de fotografías do lalinense Ales Piñeiro.
Para asistir é necesario cubrir o formulario de reserva en www.concelloderianxo.gal.
