A rúa Peonil de Boiro acollerá este sábado 21 de maio o espectáculo A Eira do Paporrubio, unha cita de animación familiar e infantil cos monicreques, os xogos, a música e a tradición oral. Será a partir das 11.00 horas. Trátase dunha proposta da produtora Urdime moi acaída para nenas e nenos de máis de dous anos. Segundo explica Urdime, a Eira do Paporrubio desenvólvese “nun espazo soñador e máxico onde conviven animais domésticos e non tan domésticos, que serán os protagonistas das fábulas”. Trátase dun proxecto argallado por por Luchi Iglesias e Carlos Quintá dentro do Fondo de Proxectos Culturais Xacobeo 21, no que se mesturan música e xogos tradicionais con outros de creación propia que farán que os nenos e nenas gocen dunha divertida xornada de animación e creatividade.
O alumnado dos IES boirenses visitan o Pazo de Goiáns co persoal do Obradoiro de Emprego Torre Goiáns III
As e os participantes no Obradoiro de Emprego medioambiental Torre Goiáns III do Concello de Boiro recibiron estes días a visita do alumnado dos IES de Boiro para ensinarlle o Pazo de Goiáns e os traballos que están a realizar alí. Á visita asistiron a concelleira de...