En Ribeira aparece morto un home nunha vivenda

O home duns 70 anos foi atopado morto nunha vivenda da rúa Branco Amor de Ribeira e podería levar máis dun mes falecido.

O aviso de veciños que levaban mais dun mes sen velo home, fixo que efectivos de emerxencias entraran na casa despois de que axentes da Policía Nacional se encargaran de desbloquear a porta e atopar o corpo. O corpo non presentaba signos de violencia, polo que se sospeita que o falecemento se debeu a causas naturais, feito este que será confirmado tras facerlle a autopsia.

Ata o lugar acudiron membros de bombeiros de Ribeira e do Grupo de Apoio e Emerxencias de Ribeira (GAEM).