Detlef Kappeler, arquitecto, catedrático e pintor alemán que actualmente reside en Muxía e que está considerado un representante contemporáneo do expresionismo., desembarca noo Museo do Gravado de Artes exhibirá en dúas das súas salas case 90 estampas súas, que o artista doou o ano pasado.
O acto de apertura da mostra terá lugar este ventres ás 20.30 e contará coa presenza do propio Kappeler, que estará arroupado por Manuel Ruiz, presidente da fundación que xestiona o museo e alcalde de Ribeira; Antón Castro, académico da RAG e crítico de arte; Daniel Buján, patrón da fundación; e Nuria Kolb e Pastor Rodríguez, comisarios.
A obra de Kappeler sitúase entre a figuración e o expresionismo, presentando sempre unha forte carga ética e unha coherencia artística con forte sabor poético. A narratividad, a dimensión social e a influencia dos gravados de Goya son denominadores comúns nos seus traballos. A colección que presenta en Artes contén, entre outros, litografías, aguafuertes e punta seca.
