Convocado o concurso para o cartel das xornadas Homenaxe a Valle-Inclán

22 Maio 2022

A Concellería de Cultura da Pobra convoca un concurso co fin de elixir o cartel que se empregará na divulgación da próxima edición das Xornadas de Homenaxe a Valle-Inclán. Ó certame poderán concorrer todas as persoas que o desexen, a condición de que sexan maiores de idade, cun máximo de dúas propostas. O autor da lámina gañadora obterá un premio en metálico de 700 euros.

A celebración destas “Xornadas de Homenaxe a Valle-Inclán”, que en 2022 sumarán vintecatro edicións ininterrumpidas na Pobra do Caramiñal, constitúe unha cita cultural de referencia para as dúas bandas da ría de Arousa e de Galicia cada mes de outubro. Creáronse en 1999 a instancias de Carlos del Valle-Inclán Blanco, I marqués de Bradomín, fillo do universal escritor don Ramón, e de Antonio González Millán, director do Museo Valle-Inclán da vila do Caramiñal, que desenvolveu o proxecto e dende fai máis de dúas décadas organiza, programa e comisaria as Xornadas que crearon. Sendo financiada a suma de todas as edicións polas administracións públicas galegas: Xunta de Galicia e Concello da Pobra do Caramiñal.

Precisamente, logo de falecido o I marqués de Bradomín será o seu fillo Xaquín del Valle-Inclán Alsina, a presenza familiar máis constante nos actos institucionais e na axenda cultural destas xornadas coas que museo e localidade tributan pública admiración ao escritor. De feito dende 2003 fíxose cada vez máis evidente a boa sintonía coa especialización técnica da institución valleinclaniana, á que, de feito, este neto e sinalado investigador ofrece o seu protectorado. Ampliando o ámbito de actuación das actividades que sobre Valle-Inclán se ofrecen en Galicia a terceiras localidades, en especial, cíclicamente na capital galega, Santiago de Compostela. Facendo visible alén das comarcas arousás o protagonismo do Museo do Barbanza, unha das primeiras Casas Museo literarias de Galicia e o Museo Valle-Inclán decano de España.

Os interesados en concorrer ao certame teñen ata o 15 de agosto para facer chegar as súas propostas que se entregarán no Museo Valle-Inclán ou no rexistro do concello ou envialas por correo certificado

Coincidindo co día dos museos, abriuse unha exposición cos carteis que se empregaron para promocionar as xornadas sobre Valle-Inclán durante os seus 23 anos de historia. As láminas pódense ver no museo de martes a venres, de 10.00 a 15.00 horas, e os sábados, de 10.00 a 14.00 e entre as 17.00 e as 19.00.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...