Cáritas Parroquial de Ribeira conta desde esta semana cunha furgoneta para o desenvolvemento do seu labor.
A furgoneta foi rehabilitada polos alumnos do centro integrado de Coroso que fixeron unha lavada de cara o furgón que queda como recén saído do concesionario.
O alumnado que se encargou da rehabilitación son dos ciclos de carrocería e mantemento de vehículos, polo que desde Cáritas Parroquial amosan publicamente o seu agradecemento ao centro e os seus alumnos.
O acto de entrega contou coa presenza do párroco de Santa Uxía Alfonso Mera e a presidenta de Cáritas Ribeira, Teresa Pérez e membros da directiva da Asociación e alumnos e profesores do centro.
