O Centro Social de Boiro vai acoller este venres 20 de maio unha charla-obradoiro sobre detección precoz do cancro de mama. Dará comezo ás 18.00 horas. As inscricións están dispoñíbeis no Centro de Información á Muller (CIM) de Boiro. As inscricións poden facerse a través do teléfono 981 844 800, extensión 1285. A charla tamén conta coa participación da Asociación de Diagnosticad@s de Cancro de Mama e Xinecolóxico, ADICAM, que porá o foco na importancia que reviste a autoexploración mamaria para a detección temperá de posíbeis tumores.
