A Asociación Boirense de Empresarios (ABE) vén de lanzar un vídeo promocional para reivindicar novamente unha mensaxe que cómpre non esquecer: apostar polo comercio de proximidade ten múltiples beneficios (económicos, sociais, medioambientais) non só para os negocios implicados, senón para a veciñanza e as vilas e cidades que albergan eses negocios. O vídeo, abeirado á campaña EuConsumoLocal de EuSonBoiro, é a parte online dunha iniciativa presencial de promoción previa que agora dá o chimpo dende as rúas de Boiro até as redes. As protagonistas son 8 persoas socias da entidade. En setembro terá continuidade dende a perspectiva do consumidor.
Precedente
O precedente é a parte física da campaña, que a ABE cualificou de éxito. Nela, os socios e socias da patronal boirense foron as e os protagonistas por estar presentes na vida diaria da veciñanza de Boiro a través de 50 pancartas, 2 monólitos de 2,5 metros e 1 mupi colocados polas rúas de Boiro.
No Youtube
O anuncio xa está dispoñíbel na canle de youtube da ABE e nas redes sociais da asociación e tamén está protagonizado polas mesmas oito persoas socias que desta volta relatan coas súas propias verbas as 8 razóns para consumir local.
Como explica o presidente da patronal, Daniel García, “cada semana faremos unha publicación en redes e web coas fotografías dos protagonistas e hoxe lanzamos un vídeo que será o punto forte da parte máis dixital da campaña e que xa podedes ver en calquera das redes sociais da ABE (@boiroaberto)”.
Segunda parte da campaña
Esta campaña é a primeira parte dun proxecto máis amplo que terá continuidade no mes de setembro co lanzamento dunha segunda parte da mesma, esta vez protagonizada polos clientes, “serán eles quen dean o seu punto de vista sobre o comercio local e as súas motivacións para mercar en Boiro”, engadiu o presidente.
A campaña está cofinanciada pola Xunta de Galicia
A Asociación Boirense de Empresarios (ABE) vén de lanzar un vídeo promocional para reivindicar novamente unha mensaxe que cómpre non esquecer: apostar polo comercio de proximidade ten múltiples beneficios (económicos, sociais, medioambientais) non só para os negocios implicados, senón para a veciñanza e as vilas e cidades que albergan eses negocios. O vídeo, abeirado á campaña EuConsumoLocal de EuSonBoiro, é a parte online dunha iniciativa presencial de promoción previa que agora dá o chimpo dende as rúas de Boiro até as redes. As protagonistas son 8 persoas socias da entidade. En setembro terá continuidade dende a perspectiva do consumidor.
Precendente
O precedende é a parte física da campaña, que a ABE cualificou de éxito. Nela, os socios e socias da patronal boirense foron as e os protagonistas por estar presentes na vida diaria da veciñanza de Boiro a través de 50 pancartas, 2 monolitos de 2,5 metros e 1 mupi colocados polas rúas de Boiro.
No Youtube
O anuncio xa está dispoñíbel na canle de youtube da ABE e nas redes sociais da asociación e tamén está protagonizado polas mesmas oito persoas socias que desta volta relatan coas súas propias verbas as 8 razóns para consumir local.
Como explica o presidente da patronal, Daniel García, “cada semana faremos unha publicación en redes e web coas fotografías dos protagonistas e hoxe lanzamos un vídeo que será o punto forte da parte máis dixital da campaña e que xa podedes ver en calquera das redes sociais da ABE (@boiroaberto)”.
Segunda parte da campaña
Esta campaña é a primeira parte dun proxecto máis amplo que terá continuidade no mes de setembro co lanzamento dunha segunda parte da mesma, esta vez protagonizada polos clientes, “serán eles quen dean o seu punto de vista sobre o comercio local e as súas motivacións para mercar en Boiro”, engadiu o presidente.
A campaña está cofinanciada pola Xunta de Galicia
