Un home resultou ferido nunha perna ao ser golpeado por un tractor nunha leira no lugar de Tallós, na parroquia de Laíños.
Os feitos sucederon uns minutos despois das seis e media desta tarde. A esa hora, unha persoa particular contactou co 112 Galicia para alertar da situación do home ferido.
Axiña, os xestores do CIAE 112 Galicia pasaron o aviso a Urxencias Sanitarias de Galicia-061, aos Bombeiros de Boiro, á Garda Civil e ao GES de Padrón.
