Na mañá deste venres 27 de maio presentouse en pleno centro histórico de Noia unha nova edición da iniciativa Noia Florece. As nenas e nenos da Asociación Misela foron os encargados de dar a coñecer os resultados deste proxecto embelecedor e dinamizador dos espazos urbanos noieses, acompañados no seu periplo polas rúas da vila polo alcalde Santiago Freire a máis a concelleira de Comercio, Laura Salgado, quen puideron coñecer de primeira man os adobíos e elementos decorativos feitos pola rapazada de Misela.
O obxectivo da campaña é novamente encher de cor a vila de Noia e, tamén, axudar a seguir dinamizando o comercio local.
Durante o percorrido visitaron dous dos grafitis, elaborados polos rapaces de Vella Escola, que se enmarcan tamén dentro da campaña Noia florece.
Os representantes do Concello agradeceron á Asociación Misela e á Vella Escola “o eu enorme traballo para dar vida ás nosas rúas”.
