O Concello de Ribeira vai conmemorar o Día do Libro (este sábado 23 de abril) cunha sesión contacontos no salón de actos do Centro Cultural Lustres Rivas. Trátase de O tranvía Leonardo, de Fantoches Baj: un espectáculo de narración oral para nenas e nenos con marionetas e música no que se conta a historia do primeiro tranvía a vapor de Galicia.
Ao final da función agasallarase cun recortábel a cada asistente para que poida xogar e cantar con el na casa. Ademais, regalarase un libro a cada participante.
A xente interesada pode reservar os seus asentos enviando un correo cos nomes e apelidos dos participantes e un teléfono de contacto a normalizacion@ribeira.gal.
