Política Lingüística e Xuventude anuncian os novos talentos gañadores de Lingua de Namorar

17 Abril 2022

A Secretaría Xeral de Política Lingüística e a Dirección Xeral de Xuventude anunciaron os nomes das gañadoras e gañadores da nova edición (a undécima) do certame Lingua de Namorar, que, como lembraremos, consiste en convidar á mocidade a escribir declaracións de amor en galego. Un total de 132 mozas e mozos de entre 14 a 35 anos participaron nesta convocatoria dun concurso de dinamización lingüística que novamente puxo o foco nos móbiles e en Internet.

O obxectivo do certame foi dinamizar o uso do galego e reivindicar o talento literario da mocidade a través de tres categorías, dúas delas para web e unha exclusiva para a rede social Instagram.

Na primeira categoría de idade (categoría A, de 14 a 19 anos) foi galardoado co primeiro premio A flor baixo a neve, da ourensá Carmen Fernández Margusino; seguida do segundo traballo premiado, Amor Contraditorio, da coruñesa Lucía Paz González; e do terceiro, Desde Vilamor ata Fisterra, da tamén coruñesa Laura Sande Vázquez.

Na categoría B (de 20 a 35 anos), os galardóns recaeron en O amor de iglú, do pontevedrés Pedro Rodríguez Villar, que levou o primeiro premio; Dúas Partes que son unha da viguesa Ania Ferrera Longueira, que quedou en segundo lugar; e Filautía, da lucense Andrea López Otero, que se fixo coa terceiro recoñecemento.

Os tres primeiros premios de cada unha destas categorías levaranse un patinete eléctrico, os segundos un tocadiscos retro e os terceiros un reloxo intelixente.

Categoría Instagram

A terceira modalidade de Lingua de namorar, que se puxo en marcha por primeira vez o ano pasado, foi a dedicada á rede social Instagram, dirixida a rapazas e rapaces de 14 a 35 anos. Nesta categoría a gañadora foi Sofía Muñoz Somoza, de Cambados, coa mensaxe #Pulsión. O premio desta categoría é un patinete eléctrico, de igual xeito que os gañadores das outras dúas especialidades.

Tanto as mensaxes gañadoras como finalistas pódense consultar na páxina web do concurso e nos Instagram de @XuventudeGalicia e @LinguaGalega.

Outros artigos

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...