Paula Ayaso Santos, alumna de 6º de Primaria do colexio Galaxia, resultou a gañadora da primeira edición do Concurso Escolar de Marcapáxinas organizado pola Biblioteca Pública Municipal de Ribeira con motivo da celebración do Día do Libro.
A rapaza recolleu esta mañá o correspondente diploma acreditativo de mans da concelleira de Educación, Juana Brión, ademais de recibir un lote de libros.
Conforme as bases do concurso, fixéronse 500 copias da creación de Paula que se repartirán a partir de mañá na propia Biblioteca entre todos os amantes da lectura que así o desexen.
Exposición
Paralelamente, dende hoxe e ao longo do mes se vai poder contemplar na propia instalación da biblioteca unha exposición con todos os deseños participantes.
