O vindeiro sábado 23 de abril celebrarase en Rianxo unha homenaxe ás vítimas do franquismo na Paradegua co descubrimento dunha placa e a ofrenda floral, no acto intervirán Adolfo Muíños, Xesús Santos, CRMH da Barbanza, Tero Rodríguez e contará cunha actuación musical.
O tributo levarase a cabo ás 12.00 horas no quilómetro 9 da estrada AC-305, no termo municipal de Rianxo.
O acto está organizado pola Comisión pola Memoria Histórica da Barbanza coa colaboración do Concello de Rianxo.
