Os ciclistas de Noia contan xa cunha estación de limpeza, mantemento e estacionamento

A Concellería de Deportes de Noia que dirixe Laura Salgado instalou estes días no centro urbano da vila unha estación urbana BiciCleaner e UrbanFix para atender as necesidades dos ciclistas.

O autoservizo, que conta cun sistema antivandálico, inclúe un lavado de bicicletas, con accesorios de limpeza; unha torre de reparación (con 10 ferramentas) e unha bomba de aire integrada, amais dun módulo aparcabicis. Está previsto que a súa apertura oficial da estación se leve a cabo nos vindeiros días.