O Programa de Maiores da USC achega en maio media ducia de actividades en Rianxo

27 Abril 2022

O Programa Universitario de Maiores da Universidade de Santiago (IV Ciclo) achégase ao concello de Rianxo a través do seu proxecto Camiños de Coñecemento e Experiencia. Na vila rianxeira a USC ten preparados este mes de maio seis seminarios de formación universitaria para persoas de máis de 50 anos. Impartiranse no Centro Sociocultural do Auditorio Municipal.

A continuación damos conta do programa:

-Luns 9 de maio, en horario de 16.30-18.00

Seminario: Simboloxía das cores. Impartido por Nerea Varela Castro. Colaboradora do Programa Universitario de Maiores, IV Ciclo da USC.

-Martes 10 de maio, en horario de 16.30-18.00

Seminario: Os exvotos nos santuarios de Galicia. Impartido por Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC.

-Mércores 11 de maio, en horario de 16.30-18.00

Sesión práctica: saída polos arredores. A experiencia virá da man de Nerea Varela Castro, colaboradora do Programa Universitario de Maiores, IV Ciclo da USC.

-Xoves 12 de maio, en horario de 16.30-18.00

Sesión práctica: aula interactiva sobre exvotos nos santuarios de Galicia. Imparte Anxo Rodríguez Lemos. Doutor en Historia e colaborador do Programa Universitario de Maiores, IV Ciclo da USC.

-Martes 24 de maio en horario de 16.30-18.00

Seminario: O sono e os seus trastornos. Impartirá os contidos Mónica Antelo Martelo, doutora en Psicoloxía. Profesora colaboradora do Programa Universitario de Maiores, IV Ciclo da USC.

-Mércores 25 de maio, en horario de 16.30-18.00

Sesión práctica: técnicas para conciliar o sono, por Mónica Antelo Martelo, doutora. en Psicoloxía e profesora colaboradora do Programa Universitario de Maiores, IV Ciclo da USC.

Máis información e inscricións no teléfono 981 100 688 ou no correo-e cultura@concelloderianxo.gal ou tamén presencialmente no Auditorio Municipal.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...