O Concello de Boiro informou do inicio dos traballos para renovar un treito de auga para consumo na estrada de Boiro a Cabo de Cruz, ente a intersección coa estrada Curvera e ata Subuqueiro. O alcalde, José Ramón Romero, e o concelleiro de Urbanismo e Obras, Luis Ruiz, visitaron o lugar da actuación para coñecer o estado de execución das obras.
Con esta actuación estase a renovar un tramo da rede municipal de auga de 540 metros de lonxitude que na actualidade “atópase nun estado de obsolescencia funcional”, sinalaron dende o Concello, engadindo que a rede de fibrocemento existente require un unha media de 4 reparacións anuais polo que necesita ser renovada para garantir un correcto subministro de auga para o consumo dun total de 45 inmóbel e 82 vivendas que se ven afectadas.
As obras contemplan a instalación de tubaxes en polietileno e a execución de arquetas de corte xeral, amais de 45 arquetas de acometida domiciliaria, así como a reposición do pavimento. O presuposto da actuación, que se está a realizar mediante fondos propios, é de 450.759,08 euros.
Estas actuacións anteceden ás obras de pavimentado que a Deputación da Coruña vai levar a cabo para o pavimentado dos catro quilómetros da DP-1107 comprendidos entre a Avenida da Constitución e Subuqueiro.
