O BNG reclama a reapertura inmediata de todos os consultorios médicos pechados dende a chegada da COVID

21 Abril 2022

O BNG, a través da voceira de Sanidade, Montserrat Prado, vén de reclamar á Xunta no Parlamento a reapertura “inmediata” dos consultorios pechados dende o inicio da pandemia e que a portavoz nacionalista exemplificou en 14 ao longo de todo o país, incluídos dous da nosa comarca: o de Taragoña en Rianxo e o de Cabo de Cruz en Boiro.

Así, Prado advertiu que “a día de hoxe continúan pechados os consultorios de Paradela (en Meis), na comarca do Salnés; Vilaxoán, en Vilagarcía de Arousa; Parga (en Guitiriz), Baamonde (en Begonte) e Castro de Rei, na comarca de Lugo; Hío (en Cangas) e Santa Cristina de Cobres (en Vilaboa), na comarca do Morrazo; Taragoña (en Rianxo) e Cabo de Cruz (en Boiro), na comarca do Barbanza; Romariz (en Soutomaior), na comarca de Pontevedra; Goián (en Tomiño) e Tabagón (en Tomiño, no Rosal), na comarca do Baixo Miño, e os de Filgueira (en Crecente) e Valeixe (situado na Cañiza e que segue sen médico), no Condado”.

Esta situación, dixo, “ademais de non ter ningunha xustificación máis que o recorte sanitario, estalle a causar prexuízos económicos e de mobilidade a miles de galegos e galegas afectadas polos recortes da Xunta do PP na sanidade pública e, nomeadamente, na Atención Primaria”. Tamén criticou que estes feitos estean a obrigar a moitas persoas a desprazarse a outros consultorios “cando unha parte moi importante delas superan os 60 anos, adoitan non conducir e carecen de transporte público polo que se vén obrigadas a depender doutras persoas ou a pagar taxis cando en Galiza temos, grazas ás magníficas políticas do PP, as pensións máis baixas do Estado”.

A xuízo da portavoz nacionalista de Sanidade, o peche dos centros con motivo da COVID foi “unha medida tomada de xeito excepcional polo SERGAS” que acabou sendo aproveitada polo Executivo do PP para consolidar a súa estratexia e proceder ao peche definitivo de consultorios. “O PP está aproveitando a pandemia para seguir recortando servizos, centralizar a atención sanitaria e deixar esmorecer a Atención Primaria porque non xera negocio e diso é do que se trata: de que a saúde das e dos galegos sexa negocio”, concluíu.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...