Arturo García Costa celebrou onte os seus 100 anos acompañado dos seus fillos, netos e bisnetos. O alcalde de Boiro, José Ramón Romero, visitouno na súa vivenda, na parroquia de Cures. O homenaxeado soprou as velas en presenza dos seus familiares e o alcalde entregoulle un ramo e as felicitacións en nome do pobo de Boiro. Arturo García é o primeiro dos boirenses que este ano celebran un século de vida.
