A Concellería de Parques e Xardíns e a Concellería de Obras de Noia veñen de facer unha actuación conxunta para mellorar a contorna do paseo marítimo e incrementar o equipamento de lecer. Trátase da colocación de bancos antivandálicos de ferro fundido.
Segundo sinalaron os dous departamentos locais, con estes novos equipamentos súplese o baleiro deixado polos bancos previos, que tiveron que ser retirados debido aos actos incívicos que remataron por estragalos. Os novos, a diferenza dos que foron desbotados, están ancorados ao chan para evitar que se despracen ou sexan roubados ou vandalizados. “Dende o Concello de Noia insistimos en pedir respecto para o que é de todos e de todas, esperando que estes novos bancos poidan ser desfrutados por toda a veciñanza”, sinalaron fontes do Concello.
