Este sábado de 16 abril comezan na parroquia de Caamaño, en Porto do Son, a edición 2022 das Festas de Pedrafurada. O programa das celebracións, organizadas pola veciñanza en colaboración co Concello, comeza na xornada do 16, Día da Xuventude e véspera do día grande, cunha gran verbena a cargo da macrodiscomóbil CDC e o trío Blanca Doble.
O domingo 17, Día da Honra ao Nazareno, as actividades comezarán con dianas e alboradas a cargo do grupo de gaitas O Son do Pote, dando paso a unha sesión vermú que virá acompañada de pinchos e tapas variadas e estará amenizada polo Grupo Arena. Pola noite haberá novamente verbena.
O día seguinte, luns 18, serán as celebracións na honra da Nosa Señora de Pedrafurada. Amais das dianas e alboradas e do grupo de gaitas O Son do Pote está prevista a actuación da Banda de Música de Caamaño, para dar paso a unha sesión vermú na Capela de Pedrafurada acompañada pola Banda de Música de Caamaño e o Dúo Charada.
O sábado e o domingo, tanto a sesión vermú como a verbena serán na explanada da Cada da Cultura.
