Esquerda Unida organiza en Boiro un acto sobre a II República


Este sábado 9 de abril, Esquerda Unida Boiro celebrará un coloquio para debater sobre a II República, a súa significación política e as repercusións históricas da tradición republicana nos nosos días. A agrupación política quere con este encontro avivar o diálogo arredor da nosa historia e a memoria democrática, e que ao tempo “sirva de homenaxe ás loitadoras e loitadores pola liberdade que durante a nosa historia recente traballaron de xeito incansábel na construción dun réxime de dereitos, xustiza social e liberdades”.

O acto contará coa presenza de Eva Solla, coordinadora nacional de Esquerda Unida, Antón Rodríguez Gallardo, historiador e que vén desenrolando xa unha ampla obra sobre a historia contemporánea de Boiro e Néstor Sieira, coordinador local de Esquerda Unida. O coloquio comezará ás 19h e terá lugar no salón de actos do Centro Social de Boiro.

Amais, Esquerda Unida enviou unha solicitude ao Goberno municipal para que durante o xoves 14 de abril ondee a bandeira tricolor na fachada da Casa Consistorial. En palabras Esquerda Unida Boiro, como “símbolo do compromiso do Concello de Boiro cos valores democráticos e a loita pola liberdade”.