A fotografía analóxica segue viva malia o avance do dixital, e as súas posibilidades creativas e profesionais son amplas e variadas, ao que cómpre engadir a fascinación e o interese que seguen a esperar nos seareiros da fotografía os métodos tradicionais, con luz vermella e cubetas de líquidos incluídas, para obter as obras finais. Tendo en conta isto, o local Leñaverde do Centro Social de Boiro vai acoller estes 27 de abril un Obradoiro de Revelado. Porase o foco nos procedementos analóxicos da fotografía en branco e negro. A actividade formativa dará comezo ás 17.00 horas. Segundo informa o Concello, as prazas son limitadas (12) e as reservas poden facerse a través da web municipal.
