As persoas gañadoras do sorteo do Día de Autismo recibiron cadanseus premios en Amicos

25 Abril 2022

A Asociación Amicos realizou este 25 de abril a entrega dos vales de 50 euros sorteados entre as persoas que mercaron no comercio local durante a campaña do Día Mundial de Concienciación sobre o Autismo. Estes vales foron proporcionados polas asociacións de empresarios de Boiro, Ribeira, Rianxo e por Somos Rianxo, catro entidades que tamén estiveron presentes na entrega dos premios.

No concello de Boiro, María José Piñeiro, técnica do ABE, repartiu os 50 euros a Miguel Ángel Riveiro, que deberá gastar nos comercios adheridos a asociación de empresarios boirense.

Doutra banda, Isabel Lapido, xerente da Asociación de Empresarios de Ribeira, fixo entrega do seu vale de 50 euros a Borja Casais.

Isabel Lapido quixo agradecer o labor de Amicos pola súa implicación neste tipo de accións e mostrouse moi contenta de poder colaborar coa asociación.

En canto a Asociación Rianxeira de Empresarios (ARE), a responsábel de entregar o vale de 50 euros a María Montserrat González foi Ana Vicente, administradora da patronal.

Pola súa banda, a Asociación Somos Rianxo non puido facer este a entrega do seu vale, pois ao gañador, Manuel Comojo, foille imposible asistir presencialmente ao centro de Amicos en Boiro. A pesar da súa ausencia, Manuel comunicou que o seu premio cederao á Asociación Amicos “polo seu gran labor”.

O sorteo foi realizado de maneira aleatoria entre aquelas persoas que mercaron no comercio local entre o 24 de marzo e o 2 de abril e enviaron o tícket co seu nome completo, teléfono e correo electrónico ao enderezo diadoautismo@amicos.org. Ademais, o comercio local que mellor decorou e iluminou de azul tamén ten premio. Nesta ocasión, o gañador foi elixido polo xurado de Amicos, que decidiu que a tenda “máis implicada na causa” foi o Estanco Lourdes, en Ribeira, xa que non só engalanou de azul o seu local, senón que as súas traballadoras tamén vestiron da mesma cor polo Día Mundial de Concienciación sobre o Autismo. Como premio, o Estanco Lourdes participará no noso calendario solidario 2023 de maneira gratuíta.

Amais, o xurado de Amicos quixo facer mención especial a Neuralmente en Rianxo, Deportes Señor Balón e Lolita Moda en Boiro, pola “súa participación e implicación de maneira extraordinaria na campaña Decora e ilumina de azul o teu negocio. Os tres comercios locais fomentaron a compra e a participación de todos na iniciativa.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...