O Concello de Porto do Son compartiu a axenda local do ciclo Camiños de Coñecemento e Experiencia, a iniciativa formativa e descentralizada da Universidade de Santiago para estender as súas ramificacións de ensino ás persoas maiores dos concellos. As actividades levaranse a cabo durante o mes de maio na Casa da Cultura, aínda que están previstas varias saídas. As inscricións xa están abertas e poden facerse a través do correo josepazo@portodoson.gal.
No caso do de Porto do Son, serán tres seminarios os que se van poñer a disposición da veciñanza: sobre vellos e novos oficios (o día 2 de maio), sobre simboloxías das cores (o 3 de maio) e sobre o papel que desempeñan as familias na educación (o 5 de maio). Ademais, haberá varias sesións prácticas (unha saída exterior o día 4 e un obradoiro sobre as familias na educación, o día 6 de maio). O día 10, a maiores, está programada unha visita ao Museo do Pobo Galego en Santiago, dirixida por José Manuel Vázquez Lijó, doutor en Historia e técnico de xestión do Museo Marea en Porto do Son, amais de colaborador no Programa Universitario de Marios, o IV Ciclo da USC.
