As nenas e nenos do CEIP de Portosín (Porto do Son) participou os días pasados nas accións de divulgación e concienciación programadas pola campaña Ti si ques un bo peixe, impulsada pola Consellería de Mar coa finalidade de estender e afianzar na nenez e na adolescencia o consumo de produtos de mar. A rapazada de Portosín tivo ocasión de ver cos seus propios ollos, na praia de Testal (Noia), o traballo das persoas mariscadoras de Noia, quen explicaron o seu labor e a importancia económica, alimentaria e ambiental que ten o traballo que desenvolven nas praias e no mar.
Foi unha visita interpretativa realizada en varios capítulos: primeiramente coñecendo as metodoloxías principais de extracción e as especies coas que se traballa (sobre todo berberecho e ameixa, aínda que non son as únicas) e logo dando canto dos procesos para levar o produto á lonxa e á depuradora da confraría. Para rematar os escolares foron obsequiados cun bolsa con produtos do mar.
