A Asociación Pon un Sancosmeiro organiza un curso de elaboración dun sancosmeiro, que é, como todas e todos sabemos, o sombreiro tradicional da comarca noiesa (e tamén da Barcala, do Xallas e de varias zonas do Barbanza e Sar), feito con palla, de aba ancha e copa baixa con cinta negra, moi indicado para protexer ás usuarias do sol durante os traballos. Volvendo ao curso, desenvolverase todos os sábados de maio das 17:00 h ás 19:30 horas. Impartirase na Casa de Cultura de Noia.
A matrícula son 80€ e inclúe o material para o curso. As persoas interesadas en participar poden anotarse antes do 3 de maio no primeiro andar da Casa do Concello.
