A ABE traballa con Barbanza Arousa en materia de sustentabilidade turística

A Asociación Boirense de Empresarios (ABE) participou nas mesas de traballo organizadas por Barbanza Arousa, nas que participaron empresas do sector turístico do territorio con vistas a elaborar as propostas que a mancomunidade presentará aos plans de sustentabilidade turística convocados polo Ministerio de Industria. O representante da ABE encargado de participar nas ditas sesións de traballo de Barbanza Arousa foi o seu tesoureiro e delegado da comisión de Hostalería e Turismo, Jesús Santamaría.

Santamaría trasladou o punto de vista da ABE sobre as posíbeis melloras a implantar na estratexia turística, unha folla de ruta que “ademais de encamiñarse cara a atracción de novos visitantes tamén debe dirixirse a desestacionalizar as visitas que principalmente se centran no verán e a tentar de aumentar o número de prazas hoteleiras”, comentou, ao tempo que insistiu na necesidade de “que as administracións públicas, asociacións e empresarios traballemos en común para que a estratexia turística da comarca sexa consensuada”.