O vindeiro 3 de maio vaise celebrar na sede da ABE (no 85 da avenida da Constitución), en Boiro, un curso de balde sobre como liderar e xestionar equipos de profesionais nunha empresa, aplicando metodoloxías que garantan o talento de todos e cada un dos integrantes e do conxunto.
A sesión de adestramento Xestión de Persoas, que é de balde, xa ten aberto o prazo de reservas, que poden facerse a través da conta de correo crearfuturo@focyl.com e dos números 678 497 514 e 665 614 472 (WhatsApp).
Inclúe catro horas de formación. Será impartida por unha profesional coach experta en xestión de talento: Cintia Salido. A actividade, organizada pola ABE, vén da man da entidade estatal Red.es.
Esta sesión gratuíta axudaranos a:
-Coñecer as principais técnicas para xestionar equipos presenciais e remotos, usando novas ferramentas de xestión de equipos.
-Aprender a xestionar equipos de alto rendemento empregando as ferramentas dixitais.
-Coñecer os novos tipos de liderado e as técnicas aplicacións en contornas dixitais.