Unha quincena de ribeirenses percorreron a terceira etapa do camiño de Santiago ” A Orixe”

Unha quincena de veciños e veciñas do noso municipio animáronse onte domingo a seguir percorrendo o Camiño de Santiago do Barbanza ‘A Orixe’ continuando coa iniciativa de aproveitar as fins de semana para ir completando tramos do itinerario xacobeo.
Nesta ocasión tocoulle á terceira etapa, que cunha distancia de 32,3 kilómetros é a máis longa das seis que o compoñen, enlazando a Igrexa de Santa María do Caramiñal na Pobra coa Igrexa de San
Vicenzo de Cespón en Boiro e atravesando lugares como Escarabote ou Cabo de Cruz, dous enclaves de fonda tradición mariñeira.
Ucraína
Durante o traxecto os asistentes (entre os que figuraban os concelleiros Juana Brión e Víctor Reiriz, ademais de Manuel Mariño, presidente da Asociación de Amigos do Camiño do Barbanza A Orixe)
quixeron expresar o seu apoio aos ucraínos exhibindo varias bandeiras desta nación.