Na mañá deste 9 de marzo, a xerente de Persoas da Unidade Territorial de Galicia, Asturias e Cantabria do Grupo TRAGSA (Transformación Agraria Sociedade Anónima), Fe Meitín deu unha conferencia online ó alumnado das formacións de comercio e industria alimentaria que a asociación inclusiva Ambar está impartindo nas súas instalacións de Frións.
Durante a xornada, Fe compartiu a visión e o recorrido do Grupo TRAGSA cara a procesos máis inclusivos, lembrando que a empresa que representa divídese en 5 unidades territoriais en toda España con presenza en todas as provincias, e que está integrado por TRAGSA e TRAGSATER, sendo o seu obxectivo “velar polo medio rural e pola conservación da natureza”.
Á xornada asistiron as 20 alumnas e alumnas das formación sobre industria alimentaria e comercio que Ambar imparte grazas ao financiamento da Fundación ONCE, no programa Uno a Uno.
Tamén estiveron presentes en representación de Ambar: Alicia Romero, responsable da área administrativa da asociación; Daniel Tojo, orientador laboral; e Ángeles Sampedro, técnica de emprego, amais das dúas docentes Raquel Riveiro e Irene Paz.
Esta foi a terceira xornada dun ciclo de conferencias con empresas ó que xa asistiron representantes da empresa CLECE e da cooperativa Covirán.
