O Concello de Outes, ao abeiro das actividades programadas no ámbito local para conmemorar o Día Internacional da Muller (o pasado 8 de marzo), vai organizar este sábado 19 de marzo un espectáculo teatral a prol da igualdade. Trátase de Tabú, unha función de Tarabela Teatro especialmente indicada para maiores de 12 anos. Será o sábado no salón de actos da Casa da Cultura, a partir das 20.00 horas. As entradas poden recollerse na Casa da Cultura de luns a venres en horario de mañá (de 10.00 a 14.00 horas) e de tarde (17.00 a 20.00 horas). Trátase dunha actividade financiada on cargo ás créditos recibidos do Ministerio de Igualdade.
Argumento
Tabú é o novo espectáculo de Carmen Conde, que nace froito das conversacións recollidas con mulleres de entre 70 e 95 anos en Valmiñor, o Morrazo, o Courel, a Mariña Lucense, a Costa da Morte e ou Couto Mixto sobre a súa vida erótica e sexual de mocidade. Trátase, en palabras de Tarabela, “dun show de narración oral coa misión de transmitir as historias de confusión, segredo, amor, picaresca e sexualidade (a máis cruel e a máis desexada) das mulleres que son o alicerce da terra galega, as que poden explicar o que somos agora nós: fillas do Tabú”.
Un tendal para pór ao clareo todas as intimidades.
Datos técnicos
Autoría: Dramaturxia: Carmen Conde. Música: Nastasia Zürcher o Su Garrido Pombo.
Dirección: Carmen Conde
Intérpretes: Carmen Conde Gaute, Nastasia Zürcher e Su Garrido Pombo.
Tradución: Carmen Conde
Adaptación: Texto orixinal.
Escenografía: Neves Seara Palacio
Vestiario: Carmen Conde
Música: Nastasia Zürcher o Su Garrido Pombo.
Iluminación: Tarabela Creativa
Son: Ezequiel Orol López
