Rianxo impulsará a igualdade de xénero a través dun novo obradoiro artístico: En-rede-ando

O Concello de Rianxo vai organizar esta tempada unha actividade de dinamización e creación artística que pon o foco, dende todas as frontes, en tirar abaixo as barreiras de exclusión que limitan os dereitos das mulleres. Estamos a falar do obradoiro En-rede-ando, unha proposta para traballar a igualdade de xénero a través da danza e de diferentes disciplinas artísticas (plástica, vídeo-creación, fotografía, escrita ou música, entre outros formatos, xéneros e linguaxes). A actividade virá da man da danzaterapeuta Mar Sánchez.

O obradoiro desenvolverase os sábados de 10.30 a 13.00 h, no Centro Social Liceo, comezando o sábado 09 de abril.

Para máis información e inscricións no correo electrónico cultura@concelloderianxo.gal ​​​​​​​ou no teléfono 649 283 976, indicando nome completo e teléfono de contacto.